“因为……所以”或者“正因为……所以才”是现代汉语里一组最常用的“关联词”表示因故关系。个么上海话里特组“关联词”是哪能讲的呢？自然现在大多数年轻人就直接用上海口音“翻译”“因为……所以”，但老上海勒拉用到特组“关联词”词时，就讲“为之……阁落”。

举两只例子：“为之侬勿许伊出去唠，阁落弄得伊一日倒白相游戏”；“为之天气预报讲今朝小到中雨，我汰好的被头阁落一直勿敢晒出去，结果太阳刮辣辣！”勒拉使用的辰光，经常会只讲“为之”省脱“阁落”。特合跟现代汉语里，时常只有“因为”，唔没“所以”一样。“因为疫情，所有人都呆在家里。”“为之特场传染病，大家统统侪匍了屋里。”

上海话讲起来顺口，写出来疙瘩。  （顾顺麟）