勒拉上海俗语里，有很多形容词，其排列经常是可以根据当时的语境随意调换的，有些会在情绪和程度上稍有变化，有些没啥区别。但也有的只变了一个字，意思就大勿一样。

调花腔与调腔花侪是指耍滑头，用普通话说，就是“变着法子糊弄人。”调花腔，一般是针对第三方“侬要当心伊拉到辰光调花腔”（变卦）。调腔花，比较直接，如“侬少诰我调腔花”（耍滑头）。

勿作兴与阿作兴就区别勿小，勿作兴是劝导用语，表示勿可以。阿作兴是疑问词，意思是可勿可以呀？但仍带有反对的意味。“侬想想看做事体阿作兴忒能价(ja)？勿作兴合！”

贱骨头与骨头贱指犯贱的人，“贱”上海话念“xi”的第二声。意思相同，只是使用语境有区别。“忒个人就是贱骨头，勿讲伊两句勿太平。”“侬勿要骨头贱，我等一息就来收作侬！”

但贱骨头与轻骨头在程度上有区别。轻骨头是指勿稳重、勿识时务、好表现自己。使用时也会变化为“骨头轻”，“侬骨头勿要价轻，忒我严肃点！”

拎勿清与缠勿清是不同的两回事。拎勿清指勿识货，勿懂道理。“我已经帮伊讲到底了，伊还是一点也拎勿清。”而缠勿清中缠（sui读音近似“随”）有汉语“纠缠”的意思“讲过勿晓得多少遍了，特合人就是缠勿清，看来是程心合。”“程心”指故意。

吃排头与照排头。吃排头就是挨批评，与照排头风马牛勿相及，照排头意为毫无疑问。“伊忒趟考了640分，照排头零志愿落取！市里状元也说勿定。”

类似的很多，仅举几例。（顾顺麟）