寻吼势，故意来找茬。吼势是标准的上海方言，指心里极勿舒服，同义有挖塞，加个“寻”就很好理解。“我已经老挖塞了，侬识相点（知趣些）勿要再来寻吼势。”

捉板头，忒个词，还算勿上陌生。放了忒搭是为了跟寻吼势作区别，捉板头也有找茬的意思，但呒没寻吼势“敌意”强烈，还往往是有板头可捉。“就算侬今朝马马虎虎过得去，明朝伊拉肯定要来捉板头。”

扳掐丝，也是找茬，但与捉板头勿同，属于无事生非“豆腐里相挑骨头”，“硬装斧头柄”。“我做的事体清清爽爽，侬勿要想来扳掐丝。”

牵头皮指将已经过去的错误、失误或囧事，再拿出来奚落人。“是个，我读书勿来是（不行）大学考勿上，现在只要一讲到读书，侬就要牵我头皮。”“热甲过去嘎许多了，为啥还要牵头皮啦！”

拔直，上海话里的拔直，勿是讲拿什么东西拉直，而专指将声音发挥到极致，“传呼电话的阿姨，一日到夜拔直喉咙叫，勿要太萨图（吃力）奥。”“一点点小事，有啥必要拔直喉咙，五斤吼六斤。”

直拔直，比拔直多了一个直，意思完全勿一样。就是指直来直去。“伊就忒种脾气，讲话直拔直，从来勿计后果，侬勿要放在心里。”（顾顺麟）